Vol. 50 No. 626 (2025): Монгол судлал

https://doi.org/10.22353/ms202550

МУИС-ийн ШУС-ийн ХУС-ийн Монгол хэл, хэл шинжлэлийн тэнхимээс эрхлэн хэвлүүлдэг “Монгол судлал” эрдэм шинжилгээний цуврал сэтгүүлийн энэ удаагийн дугаарт МУИС-ийн монгол хэл бичиг, хэл шинжлэл, утга зохиол, урлаг судлалын салбарын эрдэмтэн багш нарын эрдэм шинжилгээний бүтээлээс гадна тус сургуультай хамтын ажиллагааны гэрээтэй гадаад, дотоодын зарим их дээд сургууль, эрдэм шинжилгээний хүрээлэнгийн судлаачдын бүтээл, залуу судлаачдын эрдэм шинжилгээний өгүүлэл, шүүмж, тэмдэглэл зэргийг хэвлэж байна.

Цувралын “Хэл шинжлэл” буланд орсон өгүүллүүдэд монгол төрөл хэл, монгол хэлний нутгийн аялгуу, авиа -авиалбар зүй, үг зүй, өгүүлбэр зүй, үгийн сан судлал, утга судлал, сурвалж бичиг судлал, үсэг зүй, нийгэм хэл шинжлэл, танихуйн хэл шинжлэл, хэрэглээний хэл шинжлэлийн асуудлууд тусгагджээ.

“Утга зохиол, урлаг судлал” буланд монгол аман зохиол, эртний болон орчин үеийн уран зохиол, бэлгэдэл зүй болон бүжиг судлал зэрэгт холбогдох өгүүллүүд орсон болно.

Энэхүү сэтгүүлд хэвлэж буй бүтээлүүдийн бичлэг хэлбэрийг жигд байлгах, цаашид цахим хувилбараар түгээх зэрэгт хялбар байлгах үүднээс судлаач Та бүхэн бүтээлээ ирүүлэхдээ хэвлэн нийтлэлийн шаардлагыг чанд баримтална уу! Мөн “Монгол судлал” сэтгүүлийн талаарх санал хүсэлт, мэргэн зөвлөгөөгөө бидний хаягаар ирүүлээрэй.

                                                                                                                                                          Редакцын зөвлөл

Монгол судлал. МУИС-ийн Эрдэм шинжилгээний бичиг. L (626) боть. Эрхэлсэн Т.Эрдэнэ-Очир. Уб., 2025, 293 х. Соёмбо принтинг ХХК.

ISSN 1997-1826 (хэвлэмэл)
Е-ISSN: 3079-8965 (цахим)
DOI: https://doi.org/10.22353/ms202550

                                                                                                                                                                        Монгол Улс

                                                                                                                                                        Улаанбаатар-46/727
                                                                                                                                           Монгол Улсын Их Сургууль
                                                                                                                                            Шинжлэх ухааны сургууль
                                                                                                                        Монгол хэл, хэл шинжлэлийн тэнхим
                                                   © МУИС Шинжлэх ухааны сургууль, Монгол хэл, хэл шинжлэлийн тэнхим
                                                                                                                                                                                      2025