Монгол Улсын хүн амын дотоод шилжих хөдөлгөөний түүхэн хандлага

Abstract

Монгол улсын хүн амын дотоод шилжих хөдөлгөөний түүхэн хандлагыг улс орны нийгэм эдийн засгийн байдал, төрийн бодлоготой уялдуулан судлахад нэгдүгээрт, их бүтээн байгуулалт буюу аж үйлдвэржилтийн нөлөөгөөр Улаанбаатар хотыг зорьсон; хоёрдугаарт, газар тариаланг хөгжүүлэх бодлого, үйл ажиллагаатай холбоотой сангийн аж ахуй байгуулагдсан аймгууд руу чиглэсэн; гуравдугаарт, аж үйлдвэрийн шинэ төв Дархан, Эрдэнэт хот руу чиглэсэн; дөрөвдүгээрт, амьжиргааны боломж, арга зам эрэлхийлэн Улаанбаатар хот руу тэмүүлсэн гэсэн дөрвөн их нүүдэлд ангилж болохоор байна.