Таамаглалын тодорхой бус байдал: Инфляцийн таамаглалын нарийвлалд үндэслэсэн шинжилгээ

Abstract

Макро эдийн засгийн бодлого эдийн засагт тодорхой хугацааны хоцролттой нөлөөлдөг тул мөнгөний бодлогын шийдвэр нь инфляци, эдийн засгийн өсөлтийн таамаглалд суурилах шаардлагатай болдог. Иймд тухайн үед мэдэгдэж байгаа бүх мэдээллийг ашиглан инфляцийн хэтийн төлвийг таамаглах асуудал чухлаар тавигддаг. Fan chart байгуулах процесс нь мөнгөний бодлогын шийдвэр гаргагчид (мөнгөний бодлогын зөвлөл)-ыг эдийн засгийн төлвийн талаарх дан ганц мэдээллийг харгалзах бус, илүү өргөн хүрээтэй мэдээлэлд суурилан шийдвэр гаргах боломжийг олгодог тул сүүлийн жилүүдэд өргөн ашиглагдаж байна.