Нээлттэй эдийн засгийн тэнцвэр

Abstract

Монгол улс нь хөгжиж буй орон. Өнөөдөр дэлхийн эдийн засаг улам бүр либералчлагдсаар байна. Энэ нөхцөлд дэлхийн улс орнуудын өмнө тулгараад буй асуудал нь ядуурлыг бууруулах, эдийн засгийн өндөр өсөлтийг хангах явдал. Магадгүй энэ нь эдийн засгийн урт хугацааны зорилт, стратеги. Тэгвэл эдийн засгийн өндөр өсөлтийн урьдчилсан нөхцөл нь макро эдийн тогтвортой байдал гэдэг үзэл, онол нэгэнт туршлагаар нотлогдсон билээ. Зүүн Өмнөд Азийн эдийн засгийн түргэн өсөлт нь үүний хамгийн сайн жишээ юм. Тэгэхээр нээлттэй эдийн засгийн хувьд амаргүй ч гэлээ эдийн засгийн тогтворжилтыг хангах асуудал чухлаар тавигддаг. Хөгжиж буй орнуудын эдийн засаг нээлттэй байх нь газрын тосны үнийн өсөлт, олон улсын капитал урсгал зэрэг гадаад шокын нөлөөнд эмзэг байдаг нь энэ асуудлыг авч үзэхэд хүргэдэг.