Нөхөн үржихүйн эрүүл мэнд: Эмэгтэйчүүд умайн лейомиом, түүнд нөлөөлж буй хүчин зүйлийн шинжилгээ

Abstract

Умайн лейомиом эмэгтэйчүүдийн мэс заслын өвчний дотор хамгийн түгээмэл тохиолддог эмгэг бөгөөд биений юмны хямрал, үргүйдэл, үр зулбалт, үрэвсэлт өвчний голлох шалтгаан болно. Эмэгтэйчүүдийн нас ахих тусам лейомиомын өвчлөлтэй эмегтэйчүүдийн хувийн жин нэмэгдэж байна. Биений юмны мөчлөг, хэмжээ алдагдах, өвдөлттэй ирэх зэрэг шинж тэмдэг умайн лейомиомтэй эмэгтэйчүүдийн дунд илүү тод илэрч байна. Жирэмслэлт, төрөлт, үр хөндөлт, умайн лейомиомын өвчлөлтэй статистик ач холбогдолын түвшинд хамааралтай байна. Умайн лейомиомтой эмэгтэйчүүдийн дунд эрхтэн тогтолцооны эмгэг өндөр байна.Умайн лейомиомоос сэргийлэх, өвчлөлийг багасахын тулд нөхөн үржихүйн эрүүл мэнд, гэр бүл төлөвлөлтийн асуудал, эмэгтэйчүүдийн суурь эрүүл мэндэд нэн тэргүүнд анхаарах шаардлагатай байна.