ДОРНОД МОНГОЛЫН ЭРТ ДУНДАД ҮЕИЙН НҮҮДЭЛЧИД

Abstract

2003 оны хээрийн хайгуул судалгаагаар Өгөөмөрийн Цувраа ууланд орших археологийн дурсгалуудыг малтан судлах ажлыг эхэллээ. Цувраа уулын баруун талын залгаа толгой Тахилгат овоо, зүүн урд талд нь орших Баян уул, Баян уулын зүүн суга зэрэг 3-4 км газарт хүрлээс эхлээд XIV зуун хүртэлх үеийн янз бүрийн хэв шинжийн 300 гаруй булшийг илрүүлэн ихэнх булшуудын солбицлыг тодорхойлох ажлыг хийж гүйцэтгэлээ. Энэ удаагийн экспедиц Тахилгат уул, Цувраа уулын ард орших том дөрвөлжин байгууламж, Баян уулын зүүн суга зэрэг газарт шинэ малталт судалгаа зохион явуулснаас гадна зарим газарт хайгуул судалгаа хийлээ.