ТӨВ АЗИЙН ХҮРЛИЙН ХОЖУУ ҮЕИЙН ОВОГ АЙМГУУДЫН СОЁЛЫН ХАРИЛЦАА БА ТЭЭГИЙН ХАДНЫ ЗУРАГ

Abstract

ШУТС-гийн санхүүжилтээр МУИС-ийн ШУС-ийн Антропологи, Археологийн тэнхим, Биологийн тэнхмээс 2014-2016 онд хамтран хэрэгжүүлсэн ”Монголын эртний нүүдэлчдийн угсаа гарвалын залгамж холбоо” (Археологи, молекул-генетикийн судалгаа) сэдэвт ажлын (Дугаар: SSA_033/2014) хүрээнд Баянхонгор аймгийн нутагт хийсэн эртний судлалын хайгуул шинжилгээний үр дүнгээс энэхүү өгүүлэлд нийтэлжээ. Тээгийн хадны зургууд ялангуяа, Тахилга уулын зургууд археологийн үечлэлээр хожуу хүрлийн эхнээс төмрийн түрүү үе хүртэлх цаг хугацааг хамарна. Хиргисүүрийн талбайд орших хадны зургийг сонгон судалсан анхны туршиц ажлаар хиргисүүрийн соёлыг тээгчдийн нийгэм, соёл, аж ахуйд гарсан өөрчлөлт, шүтлэг бишрэлийн тухай ойлголт төсөөлөл зэрэг олон талт асуудлыг эх сурвалж болгон судлах өргөн боломж байгаа нь харагдаж байна.