Гэр бүл ба нийгмийн асуудлууд

Abstract

Хөгжлийн ойлголтод хүмүүсийн өөрийгөө үнэлэх үнэлгээ, амьдралын идэвх, итгэлийг дээшлүүлэх тийм нийгэм, эдийн засаг, улс төрийн системийг бүрдүүлэх асуудал багтдаг. Харин хувь хүн өөрийн итгэл, идэвхтэй амьдралынхаа эх сурвалжийг анх гэр бүлээсээ олдог.
Энэхүү ажилд, Гэр бүл бүрэн бус бүтэцтэй, бие биеэ тусалж дэмжих зэрэг анхдагч гэр бүлийнхээ үүргийг гүйцэтгэж чадаагүй үед хүмүүсийн эрүүл мэнд, амьдрал байдлыг сайжруулах зорилгыг гүйцэтгэхэд бэрхшээлтэй болдог талаар хувь судлаачийн ажиглалт, судалгаа, дүгнэлтийг бодит жишээ баримттайгаар өгүүлсэн болно. Уншигч та энэ ажлаас гэрлэлт, гэр бүл, түүний үүрэг юу болох, гэр бүлийн үүргийг умартсанаас учрах бэрхшээл, түүнийг даван туулах зарим арга замын талаарх судлаачийн үзэл бодол, зөвлөмжтэй танилцах боломжтой юм.