Монгол дах зарим халдварт өвчний анагаах ухааны газарзүйн судалгаа

Abstract

Сүүлийн 5 жилд (1996-2000) Монгол улсад халдварт өвчний тохиолдол, түүнээс шалтгаалсан хүн амын нас баралтын түвшин нэмэгдэж, улс орны эдийн засаг, хүн амын эрүүл мэндэд ихээхэн хохирол учруулж байна. [1].
Энэхүү ажлаар, хүн амын дунд голлон тохиолдож байгаа халдварт өвчнүүдийн сүүлийн 3-5 жилийн тархалтын байдлыг сумдын түвшинд ангилан судалж, Монгол орон дахь өвчлөл өндөртэй сум, аймгийг тодорхойлсон юм. Мөн байгаль, газар зүйн бүсээр нь өвчлөл өндөр байгаа бүс нутгийг тогтоож, түүний шалтгаанд бодитой үнэлэлт, дүгнэлт өглөө.
Ажлын төгсгөл хэсгээс уншигч та олон жилийн тархалтын динамик мэдээлэлд үндэслэн тооцсон халдварт өвчнүүдийн түвшин, тархалтын 2011 он хүртэлх хэтийн төлөв, түүнд үндэслэн боловсруулсан зохих зөвлөмж, саналуудтай танилцана уу.