ЁС СУРТАХУУНЫ СУРГААЛ БА НИЙГМИЙН ФИЛОСОФИЙН ХАРИЛЦАН ХАМААРАЛ

Abstract

Философид асуудлыг онтологи, гносеологи, ёс суртахуун, нийгмийн философи зэрэг олон салбарт тал бүрээс нь авч үздэг. Эртний философичдын номлол сургаалыг судалж үзэхэд нэг салбар дахь үзэл баримтлалаас нөгөө салбар дахь үзэл баримтлал зайлшгүй урган гарсан байдаг нь уг судлагдахуун өөрөө хуваагдмал биш, бүхэл нэгдмэл чанартай болохыг илэрхийлнэ. Тухайлбал, танин мэдэхүй, ёс суртахууны хүрээнд яригдах асуудлууд нь нийгмийн философийн асуудалтай зайлшгүй холбоотой байдаг. Философийн эдгээр салбаруудын харилцан хамаарлыг зарим өрнийн философичдын үзэл баримтлалаас жишээ авч тайлбарлая.