PANi/GO композит нэгдлийн цахилгаан химийн шинж чанарын судалгаа

Abstract

Энэхүү ажилд үе хоорондын полимержих аргаар полианилиныг графены оксид (PANi/GO) -оор жингийн 1-10% байхаар хольцлон композит нэгдлийг гарган авч, улмаар композит нэгдлийн цахилгаан химийн шинж чанарыг циклик вольтамперметр (cyclic voltammetry-CV), цахилгаан химийн импеданс спектроскопи (electrochemical impedance spectroscopy-EIS), цэнэглэгдэх/цэнэг алдах (charge/discharge-CD) аргуудаар судалсан үр дүнгүүдийг харуулав. Судалгааны дүнгээс харахад графены оксидоор хольцолсон композит PANi/GO нэгдлийн цахилгаан химийн үзүүлэлтүүд хольцлоогүй полианилинтай харьцуулахад эрс сайжирсан байна. Графены оксидыг жингийн 10% -аар хольцолсон композит нэгдлийн исэлдэн ангижрах урвалын идэвх сайн, эсэргүүцэл багатай, хувийн цахилгаан багтаамж өндөр (355 Ф/г) байв. Мөн дээжүүдийн гадаргуугийн морфологи, химийн найрлагыг энергийн тархалтын спектрометр бүхий сканин электрон микроскопи (SEM-EDS) ашиглан тодорхойлсон үр дүнг үзүүлэв.