Эдийн засгийн өсөлт ба засаглалын чанар

Abstract

Эдийн засгийн өсөлтийн салбарт 1980-аад он хүртэл хийгдэж байсан гадаад өсөлтийн онолын судалгаа нь улс орнуудын дотоод бүтэц рүү хандсан судалгаанд чиглэгдэж байна. Өөрөөр хэлбэл дэлхийн улс орнуудын орлого, түүний ялгаатй байдал нь тэдгээр улсуудын дотоод бүтцээс нь ихээхэн хамааралтай гэж үзэх болсон. Улс орнуудын бүтцийн ялгаатай байдлыг илэрхийлэх нэг үзүүлэлт нь тэдний төрийн үйл ажиллагаа, засаглалын чанар юм. Тодруулбал улс орон бүр төртэй боловч түүний үйл ажиллагаа, чанар нь харилцан адилгүй ялгаатай байх нь тэдний орлогын болон эдийн засгийн өсөлтийн ялгаатай байдлын нэг шалтгаан байж болох юм гэсэн үзэл, санаа нэлээд өргөн хүрээтэй гарч ирсэн байна.