Монгол улсын салбар хоорондын баланс дахь шинжилгээ

Abstract

Аливаа орны нийгэм, эдийн засгийн талаар төрөөс явуулах бодлого, тэдгээрийг хэрэгжүүлэх арга замыг тодорхойлох, биелэлтийн явцад нь хяналт тавихдаа юуны түрүүнд шинжлэх ухааны боловсронгуй арга зүйд суурилсан албан ѐсны
статистикийн мэдээлэл болоод шинжилгээний арга зүйд үндэслэж хийгддэг. Эдгээр арга зүйн нэг хэлбэр нь салбар хоорондын балансын шинжилгээ байдаг. Салбар хоорондын балансын статик болон динамик загварыг макро эдийн засгийн бүтцийг шинжлэн судлах, хөгжлийн чиглэл, хандлагыг тодорхойлоход өргөн ашиглаж байна. Салбар хоорондын баланс нь нийгэм, эдийн засгийн бодлого төлөвлөх, хэрэгжилтийг зохион байгуулах, хэтийн тооцоо боловсруулахад ашиглах макро эдийн засгийн суурь мэдээллийг харуулж, шинжилгээ хийх боломжийг олгодог учраас чухал ач холбогдолтой. Өндөр хөгжилтэй улсуудад салбар хоорондын балансыг маш нарийн 3-5 жилийн хугацааны давтамжтай шинээр зохион ашиглаж байна.