СҮХБААТАР АЙМГИЙН НУТАГТ ХИЙСЭН АРХЕОЛОГИЙН СУДАЛГАА (2007)
Keywords:
Эртний Монгол, морьтой оршуулга, Онгон, Таван толгой, Өлгий, Өгөөмөр уул, Булган хайрхан, Дулаан уул, булш хиргисүүр сүйтгэгдэж буй тухайAbstract
Сүхбаатар аймгийн Мөнххаан сумын нутаг Ханан бор толгой, Шар хад болон мөн аймгийн Онгон сумын нутаг Тавантолгойд 2007 оны зун явуулсан археологийн судалгаагаар дурсгалын байршлын зургийг үйлдэж, их төлөв дундад үеийн монголын соёлд хамаарах өвөрмөц байгууламж бүхий 8 булш малтан судлав. Тавантолгойд хийсэн монголын үеийн булшны судалгаа нь урьд илэрч байгаагүй оршуулгын зан үйлийн олон элементийг (морь дагалдуулсан, баруун зүг хандуулсан, эмээлийн онцлог чимэглэл, буддын соёлын нөлөө ихтэй) илтгэж байгаа нь монголын үеийн нэгэн соёлыг ялган үзэх боломжтой шинэ эх хэрэглэгдэхүүнийг олгож байгаа юм.
Хэнтий аймгийн Баянмөнх сумын нутаг Дулаан ууланд геологийн ашиглалтын үйл ажиллагаа явуулж байгаа мэдээллийн мөрөөр уг газар хайгуул хийн урьд өмнө судлаачдын хараанд өртөөгүй байсан хүрэл, хүннү, түрэг, монголын үеийн археологийн олон дурсгалыг хадгалсан түүх соёлын томоохон дурсгалт газар болохыг илрүүллээ.
Downloads
