English-Mongolian Color Adjectives their Intensification and Weakening of Meanings

Өнгө заасан тэмдэг нэрийн утга эрчимжих, буурах (Англи, монгол хэлэн дэх өнгө заасан тэмдэг нэрийн жишээгээр)

Abstract

Тэмдэг нэрийн утгыг эрчимжүүлэх, бууруулах нь тэмдэг нэрийн үндсэн шинжийн нэг юм. Алтай болон Энэтхэг –Европын хэлний бүлд багтах монгол, англи хэлний тэмдэг нэр, ялангуяа өнгө заасан тэмдэг нэрийн утгыг эрчимжүүлэх , бууруулах зүй тогтлын ижил төстэй болон ялгаатай талыг олж тогтоон сургалтад ашиглах нь англи хэлийг хоёрдогч хэл болгон судалж буй хэн бүхэнд нэн шаардлагатай. Аливаа нэг юм үзэгдэлд агуулагдаж байгаа шинж чанар, билэг тэмдэг өөр юм үзэгдэлд байгаа тийм шинж чанар, билэг тэмдэгтэй адил хэмжээнд буюу эсвэл их бага янз бүр байдаг учиртай. Энэхүү зүй тогтлыг харилцааны хэрэглүүр болох хэлэнд илрүүлэх арга хэрэглүүр хэл бүхэнд байх боловч харилцан адилгүй. Монгол- Англи хэлний өнгө заасан тэмдэг нэрийн тухайд юм үзэгдлийн шинж чанарын хэм хэмжээг хэлэнд тусган үзүүлэхэд, нэг юм үзэгдэлд байгаа шинж тэмдгийг нөгөө юм үзэгдэлд байгаа адилхан шинж тэмдэгтэй нь харьцуулж, түүнээс илүү давуу буюу дутуу эсвэл адил хэмжээнд байгааг үзүүлэх болон, жишин харьцуулалгүй тухайн юм үзэгдэлд хэр зэрэг хэмжээтэй байгааг нь илрүүлэх арга аль аль нь тохиолдоно.Төрөл бус хэлүүд хэдий ч монгол-англи хэлнээ өнгө заасан тэмдэг нэрийн утгыг тодорхой тооны дайвар үг, дагавар залгаврын тусламжтайгаар үүсгэх нийтлэг зүй тогтол ажиглагдаж байна.