Фридрих Ницше болон Жан-Поль Сартрын философи дахь эрх чөлөө ба ёс зүйн харилцаа хамаарлын тухай асуудал

Б.Дагзмаа; Б.Горхи

Authors

Б.Дагзмаа
Б.Горхи

Keywords:

үлэмж хүн, эзэрхэх хүсэл эрмэлзлэл, уламжлалт ёс суртахуун, нигилизм, ухамсар, өөрөөрөө байгаа ахуй, өөрийн төлөөх ахуй, хуурамч итгэл

Abstract

Фридрих Ницше болон Жан-Поль Сартрын философид эрх чөлөө нь ёс зүйтэй холбогдон яригддаг. Ницшегийн хувьд эрх чөлөө нь хүний дотоод хүч, өөрийгөө бүтээх “эзэрхэх хүсэл эрмэлзлэл”-ийн илэрхийлэл бөгөөд уламжлалт ёс суртахууны хязгаарыг даван туулах замаар илэрдэг. Түүний үзэл баримтлалд эрх чөлөө нь ёс суртахууныг дагах бус, түүнийг давж, шинэ үнэлэмжийг бүтээх чадавх юм. Харин Сартрын философид эрх чөлөө нь хүний ухамсартай салшгүй холбоотой бөгөөд хүн туйлын эрх чөлөөнд оршсоноор ёс зүйн хариуцлагаа бүрэн ухамсарлах шаардлагатай болдог. Иймээс эрх чөлөө нь зөвхөн сонголт хийх боломж төдийгүй, ёс зүйн суурь нөхцөл болдог. Энэхүү өгүүлэл нь энэ хоёр сэтгэгчийн эрх чөлөөний тухай ойлголтыг ёс зүйн байр суурьтай нь уялдуулан шинжилж, тэдгээрийн хоорондын онолын ялгаа болон төсөөтэй талуудыг тодруулан, эрх чөлөө ба ёс зүйн харилцаа хамаарлыг философийн үүднээс шүүн хэлэлцэхийг зорьсон болно.Ингэснээр эрх чөлөөг зөвхөн субьектив мэдрэмж бус, ёс зүйн хүрээнд шинээр тодорхойлох боломж нээгдэнэ. Мөн энэ харьцуулалт нь орчин үеийн ёс зүйн асуудлыг шинэ өнцгөөс харах онолын үндэс суурийг бүрдүүлнэ.

Фридрих Ницше болон Жан-Поль Сартрын философи дахь эрх чөлөө ба ёс зүйн харилцаа хамаарлын тухай асуудал

Authors

Keywords:

Abstract

Downloads

Published

Issue

Section

Most read articles by the same author(s)

Make a Submission

Announcements

Философи, шашин судлал сэтгүүл 2026 оны дугаартаа өгүүлэл хүлээн авч байна.

Философи, шашин судлал сэтгүүл