Давхар вольфрамит LiFe(WO4)2-ийн кристалл бүтэц ба соронзон шинж чанар

Abstract

Давхар вольфрамит LiFe(WO4)2-ийн поликристаллыг хатуу биеийн урвалын аргаар, 800°C температурт гаргаж аван кристалл бүтцийг рентген дифракцын аргаар тодорхойлж, бүтцийн параметрүүдийг Ритвельдийн аргаар тооцоолов. LiFe(WO4)2 кристаллын эгэл тор нь моноклин сингоний C 2/c симметрийн огторгуйн групптэй, торын параметрүүд нь a= 9.2708(7)Å, b= 11.4002(1)Å, c= 4.8959(4)Å, β= 90.5096(4)° болохыг тодорхойлов.Уг давхар вольфрамит LiFe(WO4 )2-ийн соронзон шинж чанарыг температураас хамааруулан судлах хэмжилтийг SQUID төхөөрөмжинд гүйцэтгэн нам температурт антиферросоронзон шинж чанартай болж байгааг тогтоож Кюрийн
температур θ=-26 К, парасоронзон моментийн хэмжээ 4.1μB утгатай байгааг тогтоов. Нам температурт гүйцэтгэсэн нейтроны дифракцын спектрт антиферросоронзон фазад харгалзах Брэггийн пикүүд үүсч байгааг бүртгэв.