ЭНТРЕПРЕНЕР ИХ СУРГУУЛЬ: ПРОФЕССОР БАГШИЙН ЭНТРЕПРЕНЕР БОЛОХ ЗОРИЛГОД НӨЛӨӨЛӨХ ХҮЧИН ЗҮЙЛСИЙН СУДАЛГАА

Abstract

Академик энтрепренершипийг хөгжүүлэх хэрэгцээ, шаардлагын улмаас байгууллагын гишүүдэд энтрепренер сэтгэлгээг төлөвшүүлэх, энтрепренер болох сэдлийг төрүүлэх нь нэн тэргүүний зорилт болохыг хүлээн зөвшөөрч, үүний төлөө их сургуулиуд маш их хүчин чармайлт гаргах болжээ. Энэхүү судалгаагаар сэтгэлзүйн болон байгууллагын стратегийн зорилтууд их сургуулийн багш нарын энтрепренер сэдэлд хэрхэн нөлөөлж байгааг судлахыг зорьсон. Судалгаанд МУ-ын төрийн өмчит 6-н их сургуулийн 274 профессор, багш оролцлоо. Судалгааны үр дүнд багш нарын энтрепренер болох зорилгод төлөвлөгдсөн зан төлвийн онолын хүчин зүйлс эерэг хамааралтай байсан. Мөн байгууллагын стратегийн зорилтууд шууд нөлөөлж байсан нь практик ач холбогдолтой байлаа.