ЭЗНИЙ ӨМЧИД ЦЭВЭР АЖЛЫН КАПИТАЛЫН ҮЗҮҮЛЭХ НӨЛӨӨ

Abstract

Энэхүү судалгааны ажлаар ажлын капиталын эзний өмчид үзүүлэх нөлөөллийг шалгана. Ингэхдээ орлого үр дүнгийн тайланг ашиглахгүйгээр зөвхөн баланс дээр тулгуурлан эргэлтийн хөрөнгө, үндсэн хөрөнгө, богино хугацаат өр төлбөр гэсэн үзүүлэлтээр Панел шугаман бус регрессийн тэгшитгэлийг байгуулна. Тодорхойлсон тэгшитгэлийн параметрүүдийн утгууд дээр үндэслэн гурван таамаглал дэвшүүлж, таамаглал бүрийг биелэгдэж байгаа эсэхийг шалган, дүгнэлт өгнө. Панел шугаман бус регрессийн үнэлгээнд Монголын хөрөнгийн биржид бүртгэлтэй 21 хувьцаат компанийн 2016-2022 онуудын тоон мэдээллийг авч ашигласан. Тус загварын үнэлгээний үр дүнд цэвэр ажлын капитал 10 хувиар өсөхөд эзний өмч ойролцоогоор 4 хувиар өсөхөөр байна.