УУЛ УУРХАЙН КОМПАНИУДЫН САНХҮҮГИЙН ТАЙЛАНГИЙН ЗАЛИЛАНГИЙН ЭРСДЭЛИЙГ ИЛРҮҮЛЭХ НЬ

Abstract

Санхүүгийн тайлагналын тоо мэдээллийг ашиглахаас өмнө мэдээллийн үнэн зөв байдал, залилангийн ямар нэг эрсдэл байгаа эсэхийг нягтлах шаардлага үүсдэг. Энэ зорилгоор олон улс дахь практик аргачлалуудыг судлан Уул уурхайн салбарын 388 бодит компанийн санхүүгийн тайлангийн мэдээллийг ашиглан санхүүгийн тайлагналын залилан байж болзошгүй байдлыг эконометрикийн Ложит загвараар шалгалаа. Бидний тодорхойлсон загвар нь 8 тайлбарлагч хувьсагчтай ба бодит байдалд нийцэх түвшин нь 80 хувийн биелэлттэй байна. Тус загварын үр дүн нь олон улсад түгээмэл хэрэглэдэг загваруудтай харьцуулахад харьцангуй сайн байна.