ОРХОН АЙМГИЙН ХӨДӨӨ АЖ АХУЙН САЛБАРТ НӨЛӨӨЛӨГЧ ХҮЧИН ЗҮЙЛИЙН СУДАЛГАА, ҮР ДҮН

Abstract

Хөдөө аж ахуйн салбар нь манай орны уламжлалт салбар бөгөөд 2021 оны байдлаар Хөдөө аж ахуйн салбар (Үндэсний статистикийн хороо, 2023) Дотоодын нийт бүтээгдэхүүний 13 хувийг эзэлж байгаа бол экспортын орлогын 6 хувь, ажиллах хүчний 26 хувь тус салбарт хамаарч байна. Харин Үндэсний статистикийн хорооны мэдээллээр, Дотоодын нийт бүтээгдэхүүн 2022 оны эхний есөн сард 3.7 хувиар өссөний 1.6 хувийг хөдөө аж ахуйн салбарын өсөлт эзэлж байна. Сүүлийн жилүүдэд хөдөө аж ахуйг (Хүнс, хөдөө аж ахуйн яам, 2023) эрчимтэй хөгжүүлж, үйлдвэрлэлийн өсөлтийг хангах, үр ашгийг нэмэгдүүлэх, хүнсний бүтээгдэхүүний чанар, аюулгүй байдлыг дээшлүүлэх, хөдөө аж ахуйг байгалийн аливаа эрсдэлээс хамгаалах, хөдөөд хүмүүс тухтай ажиллаж, амьдрах нөхцөлийг улам бүр сайжруулахад төрөөс маш их дэмжлэг туслалцаа үзүүлж байна.