Хэрэглэгчийн зах зээлийг VALS загварт үндэслэн хэсэгчилсэн судалгааны дүн

Abstract

Өнөөгийн өрсөлдөөнт зах зээлд байгууллагуудын амжилттай ажиллах үндэс нь STP маркетингийн оновчтой шийдвэр гаргалтын асуудал байдаг. Энэ нь компанийн зах зээлийн оновчтой хэсэгчлэл хийх, зорилтот зах зээлийн сонголт, түүнд тохирсон бүтээгдэхүүний амжилттай хоногшилтын нэгдмэл үйл явц юм. Тиймээс энэ үйл явцыг маш нухацтай судалгаа шинжилгээнд тулгуурласан оновчтой шийдвэр гаргалтын хүрээнд төлөвлөн хэрэгжүүлэхийг аливаа байгууллагын маркетингийн амин чухал асуудал гэдгийг судлаачид онцолдог. Харин бид энэхүү нэгдмэл үйл явцын зах зээлийн хэсэгчлэлийн хүрээнд анхаарах онол, аргазүйн зарим асуудлыг судалж, өөрийн орны арилжааны банкны хэрэглэгчдийг зан төлөвийн онцлогоор нь VALS загвараар хэсэгчлэхийг зорилго болгосон юм.