ДАМЫН НАЙМААЧДААС ҮҮДЭЛТЭЙ ХӨӨСИЙГ ШАЛГАХ НЬ: ДОЛЛАР-ТӨГРӨГИЙН ХАНШИЙН ЖИШЭЭН ДЭЭР

Abstract

Сүүлийн 3 жилийн хугацаанд төгрөг долларын эсрэг жилд дунджаар 20%-иар суларч, 2016 оны 8-р сард Bloomberg мэдээллийн агентлагаас төгрөгийг дэлхийн хамгийн муу валютаар шалгараад байгааг зарласан зэрэг нь түүний ханшийн хэлбэлзлийн бодит байдлыг судлах зайлшгүй шаардлагатайг харуулж байна. Иймд бид ханшид дамын наймаачдын үйлдлээс шалтгаалсан хөөс үүсч буй эсэхийг марковын дэглэм солигдох загвар болон дарааллан тестлэх загваруудаар шалгахад өнгөрсөн хугацаанд хэд хэдэн удаа хөөс илэрч байсныг тогтоов. Хамгийн сүүлийн байдлаар 2016 оны 11-р сард доллар-төгрөгийн ханшид хөөс үүссэн нь бидний ашигласан гурван загвараар тогтоогдсон ба дарааллан теслэх загварын хувьд энэ хөөс 2017 оны 01-р сар хүртэл үргэлжилсээр байгаа гэсэн үр дүнг харуулж байна.