КОМПАНИЙН ДАМПУУРЛЫГ ТААМАГЛАХ ЗАГВАРЫН ХАРЬЦУУЛСАН СУДАЛГАА

Abstract

Компани санхүүгийн хүндрэлд орж, дампуурч болзошгүй байдлыг урьдчилан таамаглах загвар цөөнгүй байдаг. Тус судалгааны зорилго нь олон улсын нэр хүнд бүхий сэтгүүлд 1966-2015 онд нийтлэгдсэн 296 эрдэм шинжилгээний өгүүллэг дэх 510 загварт харьцуулалт хийх явдал юм. Үүний тулд эдгээр загвар боловсруулахад ашиглаж буй арга зүй, таамаглах чадвар, хэрэглээ болон дампууралд нөлөөлж буй хүчин зүйлсэд гол анхаарал хандуулав. Дампуурлын загвар нь зориулалт, хүчин зүйлийн сонголт, загвар боловсруулж буй арга, түүврийн хэмжээ зэргээс шалтгаалан харилцан адилгүй байна. Үүнээс гадна дампуурлын загвар боловсруулахад 65 орчим арга ашиглаж байгаагаас дискриминант шинжилгээ, ложит болон хиймэл оюуны сүлжээ зэрэг загварыг түлхүү ашиглах болжээ. Дампууралд нөлөөлж буй 400 гаруй ялгаатай хувьсагч байгаагийн 86 хувь нь санхүүгийн харьцааны үзүүлэлт байна. Эдгээрээс хөрвөх чадвар, ашигт ажиллагааны бүрэлдэхүүнд багтах зарим үзүүлэлт чухал ач холбогдолтой байгаагаас гадна сүүлийн үед компанийн засаглал, макро эдийн засаг, салбарын нөлөөг илэрхийлсэн хүчин зүйлс түгээмэл ашиглах болжээ.