АКАДЕМИК ШИЛЖИЛТ БУЮУ ЭНТРЕПРЕНЕР ИХ СУРГУУЛИЙН ҮЗЭЛ БАРИМТЛАЛ

Abstract

Энтрепренер сэтгэлгээ, соёлыг төлөвшүүлэх, энтрепренершип түншлэлийг хөгжүүлэхэд их сургуулийн манлайлал, үүрэг оролцоо их байгаа нь практикт нотлогдож судалгааны их сургуулиас энтрепренер их сургууль болж хөгжих чиг хандлага улам бүр нэмэгдсээр байна. Нийгэм эдийн засгийн хөгжилд нөлөөлж буй талаасаа ч, их сургуулийн сургалт, судалгааны чанар, өрсөлдөх чадварыг нэмэгдүүлж буй талаасаа ч манай улсад академик энтрепренершип болон энтрепренерт чиглэсэн хөгжлийн концепцийг хэрэгжүүлэх, хөгжүүлэх шаардлага зүй ёсоор тулгарч байна. Тиймээс академик энтрепренершип болон энтрепренер их сургуулийн тухай үзэл баримтлал, түүхэн хөгжлийн талаар тодруулах, ойлголтыг нэмэгдүүлэх хэрэгцээ байгааг судлаачын зүгээс харж энэхүү судалгааны өгүүлэлийг хэвлүүлэлийг зорьлоо. Судалгаанд 1/энтрепренершипийн талаар ерөнхий ойлголт, 2/академик энтрепренершип болон академик энтрепренерийн тухай, 3/ энтрепренер их сургуулийн онцлог шинж чанар, үзэл баримтлал, ач холбогдлыг талаарх судалгааны ажлуудыг харьцуулан судлаж, нэгтгэн харуулсан тул энэ чиглэлээр сонирхон судлаж буй бүх түвшний оюутнууд, судлаачдад тодорхой мэдлэг, мэдээллийг олгох ач холбогдолтой болно.