ДААТГАЛЫН КОМПАНИЙН НӨӨЦ САНГИЙН ТООЦООЛЛЫГ САЙЖРУУЛАХ НЬ

Abstract

Даатгалын компаниуд төлбөрийн чадвараа тогтвортой байлгахын тулд хүрэлцээтэй хэмжээний нөөц сан бүрдүүлэх шаардлагын үүднээс нөөц сан тооцооллын найдвартай байдалд ихээхэн анхаардаг. Монголын даатгалын компаниуд “Учирсан боловч мэдэгдээгүй хохирлын нөөц сан”(УБМХНС)-г зөвхөн гинжин шатлалын аргаар тооцоолж ирсэн ба илүү нарийвчлалтай тооцоолох асуудалтай тулгарч байна. Энэ асуудлыг шийдвэрлэхийн тулд олон улсад өргөн ашигладаг арга, аргачлалыг нөөц сангийн тооцоололд ашиглах шаардлага үүсч байгаа юм. Судалгаанд даатгалын зах зээлийн 30 хувийг бүрдүүлж буй 3 даатгалын компанийн мэдээллийг цуглуулж, олон улсад нийтлэг ашигладаг стохастик болон детерминистик аргачлалуудыг сонгон авч тооцоолол, шинжилгээ хийсэн. Судалгааны үр дүнд стохастик аргачлалууд нь УБМХНС-г илүү нарийвчлалтай тооцоолж байгаа нь батлагдсан.