МОНГОЛ УЛСЫН ДОТООДЫН НИЙТ БҮТЭЭГДЭХҮҮН БА ГАДААДЫН ШУУД ХӨРӨНГӨ ОРУУЛАЛТЫН ХАМААРАЛ

Abstract

Эдийн засгийн өсөлтийн нэг чухал хөшүүрэг нь хөрөнгө оруулалт тэр дундаа гадаадын хөрөнгө оруулалт юм. Хөгжиж буй эдийн засагтай манай улсын хувьд гадаадын шууд хөрөнгө оруулалт (ГШХО)-ыг татах түүний үр өгөөжийг нэмэгдүүлэх нь чухал асуудал юм. Гадаадын шууд хөрөнгө оруулалт (ГШХО)-ыг татсанаар дотоодын үйлдвэрлэлийг дэмжих, экспортын хэмжээг нэмэгдүүлэх, түүнд түшиглэсэн инновацийг нэвтрүүлэх зэргээр эдийн засгийн өсөлтөд эерэгээр нөлөөлөх боломжтой юм. Бид энэхүү өгүүлэлдээ Монгол улсын дотоодын нийт бүтээгдэхүүн, гадаадын шууд хөрөнгө оруулалт болон экспортын хоорондын хамаарлыг судалж үзэхийг зорилоо.