ПАРЛАМЕНТ ДАХЬ УЛС ТӨРИЙН НАМЫН ҮҮРЭГ ХАРИУЦЛАГА

Abstract

Төрийн засаглалын харилцаан дахь улс төрийн намын үйл ажиллагааны гол талбар нь парламент юм. Намууд парламентад бодитой оршин үйлчилж буй сонгуулийн хэлбэрийн дагуу явуулсан сонгууль; сонгогчдын итгэл дэмжлэг; сонгуулийн кампанийн зөв менежмент; намын нөөц чадвар гэсэн үндсэн механизмаар дамжин орж ирдэг. Парламент дахь улс төрийн намын үүрэг хариуцлагын асуудлыг бодитой авч үзэхийн тулд парламент дахь “намын байр суурь”, “үүрэг”, “хариуцлага” хэмээх харилцан хамаарал бүхий нэр томъёо тэдгээртэй холбоотой асуудлыг юуны өмнө тодруулах хэрэгтэй болно.