УЛС ТӨРИЙН ТОТАЛИТАРИ ХӨДӨЛГӨӨНИЙ ТУХАЙ ХАННА АРЕНДТЫН ҮЗЭЛ САНАА

Abstract

Нийгмийн сэтгэлгээний тодорхой үед нийгмийн ямар нэгэн үзэгдэл, асуудлыг судлаж бичсэн зохиол бүтээл цаг үе улиран өнгөрсний дараа өөрөө эргээд судлагдахуун болдог, өөрөөр хэлбэл тухайн шинжлэх ухааны түүхийн нэг асуудал болж тавигддаг байна. Энэ нь ялангуяа нийгмийн ухаан, тэр дотор философи, социологи, улс төрийн шинжлэх ухаанд нийтлэг тохиолдож тод ажиглагддаг ажээ. Энэчлэн 1940- өөс 1950 – иад онд тоталитаризмын асуудлаар өрнөдөд гарсан томоохон суурь бүтээлүүдийн онолын үзэл санаа, арга зүйн баримтлал, дүгнэлтийг өнөөдөр улс төрийн сэтгэлгээний түүхийн аспектээр эргэн харж судлах хэрэгцээ шаардлага гарч ирж байна.