Жозеф Стиглиц хөгжиж буй улс орнуудын эдийн засаг, улс төрийн бодлогод хийсэн анализыг Монгол Улсын өнөөгийн байдалтай дүйцүүлэн харах нь

Abstract

Шок эмчилгээгээр муужруулан сэхээгээд улс орноо хөгжүүлэх тухай үлгэр ярьж 27 жилийг өнгөрөөж одоо ч энэхүү бодлогоо зөв гэж тайлбарлахыг оролддог, ядуурал нь тэгэж байгаад баян болгоход аяандаа хүргэдэг гэж номлодог эдийн засагчид, улс төрчдөд биш харин баялагт татагддаг, баян амьдрахыг хүсдэг, баялгаа зөв зарцуулж хүний зэрэгтэй амьдрахыг хүсдэг хэн бүхэнд улс төрийн эдийн засгийн ухаан хэрэгтэй юм. Баялаг гэдэгт ард түмэнд бурханаас заяасан баялгийг нь өөртөө авсан юм уу, өрөөл бусдад дамжуулан зуучлахдаа хөлжиж авсан хүмүүсийн хурааж хуримтлуулсан хөрөнгийг биш харин ерөөсөө улс орон зөв бодлогоор, зөв замаар өөдөө дэвшин хөгжиж, тусгаар тогтнол аюулгүй байдлаа хамгаалахад гарцаагүй хүргэж байдаг тэр баялаг, тэр хөрөнгийн тухай өгүүлэх нь зүйтэй юм.