УЛС ТӨРИЙН ШИНЖЛЭХ УХААН: ОЛОН УЛС БА МОНГОЛ

Abstract

Өдгөө улс төрийн мэдлэг боловсрол, соёл нь зэрэг зиндаа, эрхэлдэг ажил, нас хүйс, үндэс угсаанаас үл хамааран хэн бүхэнд хэрэгтэй болжээ. Учир нь аж төрж буй нийгэмдээ бусадтай харьцахгүй, төртэй амьдрал ахуй нь холбогдохгүй хүн гэж үгүй. Улс төрийн зохих мэдлэггүйгээр хүн улс төрийн зүсэн бүрийн ов мэх, төөрөгдүүлэлтийн өгөөш болохдоо хялбар. Иймд иргэдэд улс төрийн тухай шинжлэх ухааны мэдлэгийн үндсийг таниулах, цаашлаад улс төрийн шинжлэх ухааныг судлах, сургах шаардлага өнөө үед онцгой ач холбогдолтой тухайд нурших хэрэггүй биз. Учир иймээс миний бие энэхүү өгүүлэлдээ улс төрийн шинжлэх ухааны үүсэл төлөвшил, цаашдын чиг хандлагын талаар олон улсын болон өөрийн орны өнцгөөс зарим асуудлыг хөндөхийг хичээсэн болно.