ПАРЛАМЕНТИЙН ГИШҮҮНИЙ ХАРИУЦЛАГЫГ ДЭЭШЛҮҮЛЭХ ШААРДЛАГА, АРГА ЗАМ

Abstract

Өнөөгийн Монголын нийгэмд удирдлагыг хэрэгжүүлж буй субьектуудын хариуцлагагүй байдал, хувийн сонирхолоо нийтийнхээс дээгүүрт тавих, авлига хээл хахуульд автах, хүнд сурталд идэгдэх зэрэг олон харш үйлдэл нь нийгмийн үнэлэмж, үнэт зүйлсийн тогтолцоонд сөрөг төсөөлөл, ойлголт ихсэхэл нөлөөлж, улам ужиграх хандлагатай болж байна.Тиймээс улс үндэстний хувьд хөгжилд хүрч, тогтвортой дэвшлийг хангахын үндэс нь төрийн шат шатны байгууллагуудын үйл ажиллагааны тасралтгүй, үр ашигтай, хариуцлагатай байдлаар тодорхойлогдох нь дамжиггүй. Иймийн учир хариуцлагын тухай, Парламент хэний өмнө, ямар хариуцлага хүлээдэг тухай, өнөөгийн хариуцлагын тогтолцоо оновчтой эсэх, хариуцлагын тогтолцоог сайжруулах шаардлага, арга замын тухай хөндөхийг зорьлоо.