НЭР ДЭВШИГЧИЙН ИМИЖ БҮРДҮҮЛЭЛТ БА СОНГУУЛЬ
Keywords:
Шинэ бодлого, ардчилал, төлөөллийн ардчилал, иргэдийн улс төрийн оролцоо, сонгууль, кампани, нэр дэвшигч, имиж, имижийн стратеги, улс төрийн лидерийн имиж, имижмейкер, PR, рейтинг.Abstract
Сонгууль, сонгуулийн үйл явц тэр дундаа сонгуульд нэр дэвшигчийн имижийг бүрдүүлэх явдал нь төлөөллийн ардчилалын нэгэн бүрэлдэхүүн үнэт зүйл юм. Төлөөллийн ардчилалын өөр нэгэн үнэт зүйл бол иргэдийн нийгэм улс төрийн оролцооны асуудал юм. Өөрөөр хэлбэл төлөөллийн ардчилалын зарчмын дагуу иргэд өөрийн сонгосон гишүүнээрээ дамжуулж төрийг удирдах үйл хэрэгт оролцох явдал юм. Энэ талаар эрдэмтэн Gustave A De Cocq “Иргэдийн оролцоо бол ардчиллын оршин тогтнох, сүүлийн тулах цэг”1 хэмээн бичсэн байдаг. Манай улсын хувьд 1992 оноос эхлэн төлөөллийн ардчиллын зарчмын дагуу Улсын Их Хурал, Ерөнхийлөгч, Иргэдийн Төлөөлөгчдийн Хурлын сонгуулийг удаа дараа явуулж иргэдийн үндсэн хуулиар олгогдсон улс төрийн оролцооны хэлбэрийг хангаж ирлээ. Иргэд сонгуульд оролцон саналаа өгөх нь улс төрийн оролцооны нэгэн чухал хэлбэр байдаг хэдий ч өнөөдөр зөвхөн иргэд санал өгөгч, сонгогч байхаас татгалзаж эхэлж байгаа нь тэдний сонгуульд оролцох идэвхээс ихээхэн шалтгаалж байдаг. Иргэдийн улс төрийн оролцоо зөвхөн сонгуулиар хязгаарлагдахгүй нь ойлгомжтой бөгөөд бид оролцооны олон төрлүүдийг ашиглаж сурах нь чухал юм. Мөн сонгуулийн кампанийн үйл явцад нэр дэвшигчийн имиж бүрдүүлэлтийн талаарх асуудлыг судлан дүгнэх хэрэгтэй. Учир нь зарим талаараа иргэд, сонгогчдод тухайн нэр дэвшигчийн имиж таалагдахгүй хүлээн зөвшөөрөхгүйгээс байгаагаас шалтгаалан тэдний улс төрийн оролцоо буурах хандлагатай байж болох юм. Иймд энэхүү өгүүлэлээ сонгуулийн албан ёсны сурталчилгааны үед нэр дэвшигчийн улс төрийн имижийг “шинэ бодлогын” зарчмын дагуу хэрэн бий болгох талаар онол, практикийн зарим асуудлыг хөндөн авч үзэхийг зорив
Downloads
