МОНГОЛ ДАХЬ УЛС ТӨРИЙН ШИНЖЛЭХ УХААНЫ ХӨГЖИЛ, УЛС ТӨР СУДЛААЧ БЭЛТГЭХ АСУУДАЛД

Abstract

Улс төрийн шинжлэх ухааны хөгжлийн дэлхийн түүхийг тунгааж үзэхэд улс төр судлал коллеж, университетэд төвлөрөн төлөвшиж, боловсорч иржээ. Өнөөдөр ч гэсэн энэ практик уламжлан эрч хүчээ алдалгүй хэрэгжиж нийгэм-улс төр, эдийн засгийн амьдралын үр ашгийг дээшлүүлэхэд хүчин зүтгэж байна. Улс төрийн шинжлэх ухааны сан хөмрөг бүтээхэд идэвхтэй хувь нэмэр оруулсан судлаачид дэлхийд нэр алдар нь түгсэн университетийн эрдэмтэн профессор байсан одоо ч байсаар байгаа билээ. Монгол ч гэсэн энэ жишгээс гажаагүй. Манай орон дахь улс төрийн шинжлэх ухааны үүсэл гарал МУИС-тай холбоотой энд л эрчимтэй хөгжих ёстой. Оюуны чадвартай мэргэжилтэнг бэлдэж, нийгмийн хөгжилд түүнийг ашиглах нь орчин үеийн боловсролын бодлогын гол агуулга юм.