МОНГОЛЫН ТӨР ШАШНЫ ХАРИЛЦАА ХУБИЛАЙ ХААНЫ БОДЛОГО

Abstract

Хубилай хааны үеэс Монгол орон очирт хөлгөнд орохын эх тавигдсан гэж үзэх нь буй. Монголын их гүрний доторхи нийт улс түмнийг шашин,төрийн хос бодлогоор засаглан барих бодлого энэ үест хэрэгжиж байжээ.Үүний онол, үзэл санааны үндэс нь төр, шашин хоёрын холбоонд тулгуурласан хос ёсны сургаал байлаа. Энэ нь нэг талаас хууль цааз, цэргийн биет хүч, нөгөө талаас ухаан билиг, зан суртахууны сэтгэлийн хүч хоёрыг төрийн бодлогод нэгтгэн барих ёс байв. Буддизм Монголд дэлгэрсэн нь Монгол болон Дундад Азийн орнууд, Монгол болон Энэтхэгийн харилцаа, улмаар Монгол-Төвдийн харилцааны нэгэн гол шижим болжээ.