Сургалтын зохион байгуулалтийн онцлог хичээлийн үр дүнд нөлөөлөх нь

Abstract

Их дээд сургуульд суралцагчдын сурлагын чанар болоод бие хүний төлөвшил нь ирээдүйн мэргэжилтнүүдийн чадварт зохих нөлөөтэй. Мөн төгсөгчдийн ажил эрхлэлт нь дээд боловсролын чанар нийгмийн шаардлагыг хангаж байгаа эсэхийг тодорхойлох гол хүчин зүйл юм. Насан туршийн боловсрол нь сурах арга барилд хэр амжилттай суралцсанаас хамаарна. Иймээс их дээд сургуулийн багш бол оюутны бие даан суралцах үйл ажиллагааг дэмжих үүрэгтэй. Учир нь сэтгэл зүйн хувьд оюутан нь ерөнхий боловсролын сургуулийн сурагчдаас ялгаатай. Их, дээд сургуулийн сургалт нь мэргэжил эзэмшихэд багш бус, харин оюутан өөрөө шийдвэрлэх үүрэг гүйцэтгэхээр зохион байгуулагдсан байдаг. Эдгээр онцлогийг харгалзан их сургуулийн багш лекц, семинар, лабораторийн хичээлд оюутныг хэрхэн татан оролцуулж идэвхжүүлж болохыг авч үзлээ. Мэргэшлийн индекс: 01.40.Fk