Монгол төгрөгийн бактерийн нийт тоог ионжих цацрагын аргаар бууруулах боломж

Abstract

Энэхүү судалгааны хүрээнд бид Монгол төгрөгнд агуулагдаж байгаа нийт бактерийн
тоог тодорхойлж улмаар ионжих цацрагаар үйлчлүүлэн бактерийн бохирдолыг
бууруулах боломжийг судаллаа. Судалгаанд ашигласан мөнгийг дэлгүүр, эмийн сан,
банк, цайны газар зэрэг нийт 7 газраас нийт 196 дэвсгэртийг 2019 оны 1-4 сарын
хугацаанд санамсаргүйгээр цуглуулан авч ашигласан. Мөнгөн дэвсгэртийг эргэлтэд
орсон хугацаагаар нь 2013 оноос өмнө ба дараа гэсэн 2 бүлэг болгон авч үзлээ. Эхний
бүлэгт агуулагдах нийт бактерийн тоо 267.7±80.6 байсан бол хоёрдугаар бүлэг буюу
харьцангуй шинэвтэр мөнгөн дэвсгэртүүдэд 77.6±47 байлаа. Хуучирсан мөнгөн
дэвсгэртүүд нь сүүлд хэвлэгдэн эргэлтэд орсон төгрөгөөс 3.4 дахин их бактерийн
бохирдолтой байна. Бактерийн тоог бууруулах зорилгоор рентген цацруулагчийг
200Gy, 400Gy хэмжээгээр, UV-A гэрлээр 22.5mJ/cm², 45mJ/cm², 90mJ/cm², 180mJ/cm²,
360mJ/cm² хэмжээгээр тус тус үйлчлүүлж туршив. Туршилтын үр дүнд UV-A гэрлийн
180mJ/cm², 360mJ/cm² цацрагын тун бактерийн нийт тоог 93.5% ба 98% тус тус
бууруулж байна.