АЛТАЙН НУРУУНААС ШИНЭЭР ИЛРҮҮЛСЭН ХАДНЫ ЗУРГИЙН ДУРСГАЛ

Abstract

 Энэхүү өгүүллээр Ховд аймгийн Дарви, Зэрэг, Манхан, Чандмань сумдын нутгийг дамнан оршдог Бумбат хайрхан уулын Товорын ам хэмээх дурсгалт газраас шинээр илрүүлэн бүртгэсэн өвөрмөц дүрслэлтэй зарим зургуудыг танилцуулж байна. Хадны зургийг уулын хормой хэсгээс эхлэн орой хүртэл дугаарлаж, нийт 85 хэсэг хаданд 600 гаруй тооны зураг бүртгэсэн ба бид үүнээс дүрслэл зохиомжоор онцлог 42 хэсэг хаданд буй нийт 195 хадны зургийн дүрслэлийн талаар энэ судалгаанд авч үзлээ. Бумбат хайрхны хадны зургуудын он цаг нь хүрэл зэвсгийн үеэс дундад зууны Монголын үе хүртэлх хугацаанд холбогдох боломжтой бөгөөд Монгол Алтайн хадны зурагт дүрслэлээрээ онцгой байр суурь эзэлнэ.