АРВАСЫН УУЛЫН ХАРАНХУЙН ХӨНДИЙН РУНИ БИЧЭЭС

Abstract

 Тус өгүүлэлд БНХАУ-ын Өвөр Монголын өөртөө засах орны Ордосын Отог хошууны Үзүүр балгасын Урандөш гацааны нутагт орших Арвасын уулаас илрүүлсэн руни бичгийн дурсгалыг тайлан уншсан судалгаагаа толилуулав. Арвасын уулын Харанхуйн хөндийд руни бичгийн гурван хэсэг бичээс байх бөгөөд хамгийн тод харагдах нэгдүгээр бичээсийг 2012 онд мэдээлсэн боловч судлаачдын анхааралд өртөлгүй өдий хүрсэн ажээ. Агуулгын хувьд нэгдүгээр бичээс аян замын тэмдэглэл, харин хоёр, гуравдугаар бичээсийг эцэгтээ (аавдаа) зориулж бичжээ. Харин бичсэн аргын хувьд руни бичгийн дурсгалын цохимол бичээсийн төрөлд багтах дурсгал юм.