Хурдан нейтрон, Рентген туяаны шарлагаар үүсэх ДНХ-ийн гинжний эвдрэл

Abstract

Нейтрон, фотон нь цахилгаан цэнэггүй улмаас организмоор хялбархан нэвтрэх тул хянаж удирдахад багагүй бэрхшээл дагуулдаг. Тиймээс тэдгээр цацраг, туяаны амьд биед үйлчлэх механизм, учруулах хор нөлөөг нарийвчлан судлах ажил эрчимтэй хийгдэж байна. Бид энэхүү ажлаар хурдан нейтрон болон Рентген туяаны ДНХ-ийн гинжийг тасалж эвдэх нөлөөг судалж харьцууллаа. Үүний тулд Япон улсын Яаёой хурдан нейтроны судалгааны реактор болон софтекс Рентген туяаны үүсгүүрийг ашиглаж, плазмид ДНХ-ийн усан уусмалыг шарах туршилт хийв. Туршилтаар ДНХ-ийн гинжний эвдрэлийн хэмжээ нь дээжид шингэсэн тунгаас хамаарч логарифм хуулиар өсөж буй нь тогтоогдлоо. Мөн шарлагын дүнд дээжид үүсэх чөлөөт радикалыг антиоксидант идэвхт нэгдлээр дарангуйлахад ДНХ-ийн гинжний 50%-ийн эвдрэлийн тун 4-6 дахин нэмэгдэж байв.