МОНГОЛ, ХЯТАД ХЭЛНИЙ АДИЛТГАЛ, ЗҮЙРЛЭЛИЙГ ОРЧУУЛГАД АВЧ ҮЗЭХ НЬ

Abstract

              Соёлын гарал үүслийн ялгаа нь хэлний бүтцийн ялгааны эх сурвалж юм. Хэлний ялгаа нь өөр өөр улс үндэстний хоорондох сэтгэхүйн ялгааны илэрхийлэл юм. Хэл гэдэг нь хүний ерөнхий ойлголт, үзэл бодол, утга санаа зэргийг илэрхийлж хоорондоо харилцахад хэрэглэгддэг дохио зангаа, хэлзүй, тэмдэглэгээ, дуудлага, үг зэргийг бүхэлд нь хамруулсан тогтолцоо юм. Өөр өөр улс үндэстний хэлний
ялгаануудыг судалснаар тухайн улс орны ард түмний хоорондын харилцаа холбоог нэмэгдүүлж, орчуулгыг хөгжүүлэхэд чухал ач холбогдолтой. Мөн энэхүү ялгаа зөрөө буй болсон шалтгааныг судалснаар эхийг илүү сайн гүнзгий ойлгох боломжтой бөгөөд хамгийн зөв аргаар оновчтой орчуулж хэлний орчуулгын үйлчилгээг илүү сайн чанартай хийх боломж бүрддэг.