Improving the Legal Framework for Personal Data Protection: Issues in The Regulation of Health Data

Abstract

As the use of products and services based on information and communication technologies continues to grow, the importance of legal regulations for the protection of personal data has increased. In Mongolia, the legal framework for protecting personal and sensitive data was established with the adoption of the Package Law on Digital Development and the Law on Personal Data Protection in 2021. However, with the growing use of artificial intelligence–based technologies and information systems in the healthcare sector, the regulation concerning the protection and transfer of patients’ and clients’ health data remains unclear. Within this context, this article analyzes key regulatory challenges related to the collection, processing, use, and protection of health data and identifies the need to improve the relevant legislation, presenting corresponding conclusions.

Хүний хувийн мэдээллийг хамгаалах зохицуулалтыг
боловсронгуй болгох шаардлага
(Эрүүл мэндийн мэдээллийн хүрээнд)

[Товч утга]

Мэдээлэл, харилцаа холбооны технологид суурилсан бүтээгдэхүүн, үйлчилгээний хэрэглээ нэмэгдэхийн хэрээр цахим орчинд хувь хүний аюулгүй байдлыг хангах зорилгоор хүний хувийн мэдээллийг хамгаалах эрх зүйн зохицуулалтын ач холбогдол нэмэгдэж байна. Монгол Улсад 2021 онд Цахим хөгжлийн багц хуулиуд батлагдаж, Хүний хувийн мэдээлэл хамгаалах тухай хуулиар хүний хувийн болон эмзэг мэдээллийг хамгаалахтай холбоотой харилцааг зохицуулсан. Гэвч эдгээр зохицуулалтууд нь эрүүл мэндийн салбарт хиймэл оюун болон шинэ төрлийн бусад технологид суурилсан эрүүл мэндийн үйлчилгээ, эрүүл мэндийн технологи, мэдээллийн системийн хэрэглээ нэмэгдэхийн хэрээр үйлчлүүлэгч, өвчтөн, хэрэглэгчдийн эрүүл мэндийн мэдээллийг хамгаалах, бусдад дамжуулахтай холбоотой харилцааг зохицуулахад хангалтгүй байна. Цаашлаад зохицуулалтын хэрэгжилтийн тодорхой бус байдал нь эрүүл мэндийн мэдээллийг зүй бусаар ашиглаж буй эсэх, эрүүл мэндийн байгууллага хооронд мэдээлэл дамжуулахад хяналт тавьж буй эсэх, эрүүл мэндийн мэдээллийн засаглалд суурилж эрүүл мэндийг дэмжих, хамгаалах үйл ажиллагаа сайжирч буй эсэх асуудлууд хөндөгдөж байна. Тиймээс энэ өгүүллийн хүрээнд эрүүл мэндийн мэдээллийг цуглуулах, боловсруулах, ашиглах, хамгаалахтай холбоотой зохицуулалтын тулгамдсан асуудлуудад дүн шинжилгээ хийх замаар хууль тогтоомжийг боловсронгуй болгох шаардлагыг тодорхойлж, холбогдох дүгнэлтийг гаргахыг зорилоо.

[Түлхүүр үг]

Эрүүл мэндийн мэдээлэл, хувийн халдашгүй байдал, кибер аюулгүй байдал, хандах эрх, хувийн мэдээллийн хамгаалалт.