Монгол гэрийн хөгжлийн судалгааны зарим асуудалд

Abstract

Монголын өндөрлөгт эрт үеэс аж төрсөн сууж ирсэн нүүдэлчин ард түмний бүтээсэн соёлын үнэт өвийн нэг бол монгол гэр билээ. Нүүдлийн соёл иргэншилт монголчуудын ахуй байдалд тохирсон сууц болох монгол гэр нь угсаатны эдийн соёлын түүхэн хөгжил, өвөрмөц онцлогийг илтгэн харуулахын зэрэгцээ оюуны соёлын асар их өвийг хадгалж байдаг. Монгол нүүдэл соёлын бэлгэдэл болох монгол гэрийн түүх, соёлын ач холбогдол, бүтцийн өвөрмөц онцлог, орчин үеийн нийгэмд гарч буй өөрчлөлтийг судалснаар бид үндэсний хэв шинж, орчин үеийн мэдрэмжийг хадгалсан архитектурын бүтээлийг бий болгож чадна.