БУДДЫН БА ӨРНИЙН ФИЛОСОФИЙН ҮЗЛИЙГ ХАРЬЦУУЛАХУЙ
Keywords:
Хоосон чанар, үнэмлэхүй, харьцангуй, матер, ухамсар, Зонхав, Далай лам, Платон, Кант, Гегель, МарксAbstract
Би энэхүү өгүүлэлдээ их Зонхав Богдын “Мөрийн гурван үндэс” бүтээлийн агуулгыг Далай ламаас тайлбарлан айлдсан айлдваруудыг үзэл санааныхаа гол баримтлал болгон авлаа. Учир нь, материаллаг болон материаллаг бус байдлаар оршин буй бүхний шүтэн барилдлагыг ухаарсан Далай ламын гүн гүнзгий ухаарал үнэндээ миний бишрэх сэтгэлийг ихэд хөдөлгөсөн билээ. Барууны судлаачдын хэлж заншсан “түүнчлэн чанар” хэмээх ойлголт нь угтаа хоосон чанар буюу төвдөөр «sТong nyid», бүх юм үзэгдлийн хоосон мөн чанарыг илэрхийлнэ. Шуньята буюу хоосон чанар нь “бодьтой буй бүхэн” мөн, бүхний дээд бодит байдал, зайлшгүй болох ёстой зүйл, оюуны бясалгалын дээд зорилго мөн бөгөөд орчин үеийн шинжлэх ухааны ололтыг зөрчилт бус байдлаар ухаарах тэр судлагдахуун мөн болой.
