Орчин цагийн урлагийн сэтгэлгээний зарим хэв маягийг үг хэллэг, бүтцээр мөшгөж тайлбарлах нь

Abstract

Манайхны оюуны соёл нь Марксист-Ленинист гоо зүй албан ёсоор ноёрхсон жилүүдэд нэг гол онолд баригдмал шинжтэй байсан бол, 1990-ээд оноос хойш нийгмийн амьдрал, хүний үйлдэлтэй холбогдон янз бүрийн зарчмын (концептуаль) ялгаатай, олон ургалч шинжтэй сэтгэлгээний хэв маягийг баримтлах нээлттэй байр суурийг эзлэх боллоо. Тэр тусмаа орчин цагийн урлаг ийм олон янз, тэс ондоо хэллэг, урсгал чиглэлээр өмнө нь тайлбарлагдаж байсангүй. Үзэл баримтлалын чөлөөт хувьсал өрнөснөөр ойлгохуйн хүрээнд хэлний тэмдгийг авч үзэх, улмаар үйлдлийл уг чанарт нэвтрэх үйл явцыг шүүн шинжлэх, бичвэрийг нарийвчлан задлан тодорхойлох шаардлага үүссэн байна.