Нягтлан бодогчдын мэргэжлийн тасралтгүй хөгжлийг дэмжих замаар ур чадварыг сайжруулах нь
Keywords:
мэргэжлийн ур чадвар, тасралтгүй хөгжилAbstract
Уг судалгааны өгүүллээрээ нягтлан бодогч мэргэжилтнүүдэд ур чадвараа дээшлүүлэх хэрэгцээ үүсэж байгаа эсэх, байгууллагын зүгээс мэргэжилтний ур чадварыг сайжруулахад хэрхэн дэмжиж ажиллавал зохистой талаар тодорхойлохыг зорьсон. Ингэхдээ 121 байгууллагын 2018/11/01-2018/11/28-ны өдрүүдэд тавигдсан ажлын байрны зар дээр контент анализ, 2018/11/26-аас 2018/12/19 өдрийг хүртэл хугацааны хооронд 115 байгууллагын удирдах, хүний нөөцийн мэргэжилтнүүд, 229 нягтлан бодогчдоос анкетын аргаар судалгаа авсан. Судалгааны голлох үр дүнгээр нягтлан бодогчдын мэргэжлийн ур чадварыг сайжруулах хэрэгцээ шаардлага үүссэнийг баталсан ба нягтлан бодогчдын зүгээс байгууллагаасаа мэргэжлийн сургалтад хамруулж өгөх, ажлын болон сургалтын цагийг уялдуулан зохицуулж өгөх байдлаар дэмжлэг авах хүсэлтэй байгаа талаар давтамж өндөр дурдагдсан.