Бүүвэй бэйлийн судар хэмээх сурвалжийн танилцуулга

Abstract

Монгол улсын Үндэсний номын сангийн монгол гар бичмэл номын хөмрөгт хадгалагдаж буй “Бүүвэй бэйлийн судар” хэмээх сурвалжийн агуулга нь хори буриадын түүхэнд холбогдоно. Сурвалжид гарах үйл явдал, түүний дараалал сэлтийг үзвэл, хэдийн хэвлэгдсэн “Балжин хатны домог”хэмээх сурвалжийн нэгэн хувилбар боловч түүнд байхгүй өөр мэдээ сэлт бүхий, хэлний хувьд найруулга нь өөр байдалтай байна. Иймд энэхүү сурвалжтай холбоотой Үндэсний номын сангийн хөмрөгт хадгалагдаж буй Бүүвэй бэйлийн судар хэмээх сурвалжийг галиглан хөрвүүлж, эрдэм шинжилгээний эргэлтэнд оруулахаар танилцуулж байна.